«Ինձ համար շատ ավելի կարևոր է՝ մենք այս ճանապարհին ինչ նվաճումներ կունենանք, կհիասթափեցնենք մենք մեզ: Մեզ համար սա զուտ հիասթափություն չի լինի, բայց մեծ կորուստ կլինի, եթե չկարողանանք այս հնարավորությունից օգտվել»,- «Առաջին լրատվական»-ի հետ զրույցում, անդրադառնալով Հայաստան-ԵՄ համաձայնագրի իմպլեմենտացմանը, ասաց «Բաց հասարակության հիմնադրամներ-Հայաստան» գրասենյակի գործադիր տնօրեն Լարիսա Մինասյանը:
Նրա խոսքերով՝ քաղաքացիական հասարակության ո՛չ լայն, ո՛չ էլ նեղ շրջանակներին, ո՛չ գործողությունների ծրագրերը մշակողներին, ո՛չ էլ լայն հանրությանը կառավարությունը չի դիմել թե՛ հարցումով, թե՛ կարծիք ձեռք բերելու, թե՛ աջակցություն ստանալու առումով:
Սա, ըստ նրա, խոսում է մի բանի մասին, որ հանրային շահը ներկայացնող քաղհասարակությունը պետք է ներգրավված լինի, և այն ներգրավված չէ։ «Քաղաքացիական հասարակության առաջնային դերն է վերահսկել այդ պրոցեսը և ուղղորդել այն իր մշակումներով և կարծիքներով: Կհորդորեմ մեր կառավարությանը այդ գործընթացն ավելի շուտ բացել»,- հավելեց Լարիսա Մինասյանը:
Ամբողջությամբ՝ տեսանյութում:
