Ամերիկյան Apple կորպորացիան երեքշաբթի առաջին անգամ հաշվետվություն է ներկայացրել ԱՄՆ-ի և այլ երկրների կառավարությունների կողմից օգտատիրական տվյալների մասին ստացված հայցերի վերաբերյալ: Այս մասին հայտնում է ITAR-TASS-ը:
«Մենք հրապարակել ենք ամբողջ տեղեկատվությունը, որով կարող էինք կիսվել օրինական հիմքերով»,- նշվում է կորպորացիայի հայտարարության մեջ:
Apple-ի ներկայացուցիչները վստահեցրել են, որ ընկերությունը կշարունակի ձգտել հասնել ողջ վիճակագրության հրապարակման հնարավորության:
Նշվում է, որ Apple-ը 2013-ի հունվարի 1-ից հունիսի 30-ը հայց է ստացել 31 երկրից: ԱՄՆ հատուկծառայությունները 3500 հայց են ուղղել: Այս առումով ակտիվ են նաև Գերմանիան և Սինգապուրը, որոնցից ստացվել են, համապատասխանաբար, 2100 և 1400 հայցեր: Ռուսաստանից ընդամենը 13 հայց է ստացվել, որից բավարարվել է 12-ը:
Այսպիսով՝ կորպորացիան միացել է նման վիճակագրություն հրապարակող այնպիսի տեղեկատվական հսկաների «ակումբին», ինչպիսիք են Facebook-ը, Google-ը, Microsoft-ը, Twitter-ը և Yahoo!-ն:
