«Անկախ Հայաստանի Հանրապետությունում չկան շարքային քաղաքացիներ, իսկ եթե նկատի ունեն պաշտոն չունեցողներին, ապա շատ բարձրաստիճան պաշտոնյաներ կան, որ դեռ պետք է շարքային դառնան»,- հայտարարեց «Ծառուկյան» խմբակցության պատգամավոր Գևորգ Պետրոսյանը:
Խոսելով ըստ էության՝ նա հարց բարձրացրեց. «Բա ո՞վ պետք է խոսի պետության կարգապահության և պատասխանատվության մասին: Այսօր մենք ունենք հանրապետական նշանակության ճանապարհներ, որ մինչև անցնես դրանք՝ ավտոմեքենային իր բժշկի մոտ պետք է տանես, դու էլ դիմես քո սեփական բժշկին, որովհետև ներքին օրգաններդ խառնվում են իրար»:
Նրա խոսքով՝ կարո՞ղ է կառավարությունը հաճելիորեն զարմացնել՝ այստեղ բերելով քաղաքացիների համար մի լավ բան սահմանող նախագիծ, ոչ թե անընդհատ տուգանք, պատիժ, հարկադրանք և այլն:
«Պետության դեմքը նաև մեր ճանապարհներն են, իսկ այսօր դրանք անմխիթար վիճակում են»,- նշեց նա:
Մանրամասները՝ տեսանյութում:
