Այսօր ԱՄՆ բարձրագույն դատարանը մերժել է Microsoft ընկերության հայցը՝ չեղյալ համարելու պատենտների գողացման նախկինում կայացրած որոշումը: Այս մասին հաղորդում է BBC-ն:
Որոշումը վերջնականապես հաստատեց, որ աշխարհահռչակ ընկերությունը տեքստեր խմբագրող Word ծրագրի որոշ տեխնոլոգիաներ գողացել է կանադական ոչ մեծ I4i LP ընկերությունից: Դատարանն օրինական է համարել Microsoft-ի նկատմամբ սահմանված պատժամիջոցները և 300 մլն դոլարի տուգանքը:
Տեղեկացնենք, որ դեռ 2007 թ. կանադական ընկերությունը մեղադրել էր Microsoft-ին Word ծրագրի համար տեխնոլոգիաներ գողանալու մեջ: Մինչդեռ Microsoft-ն ինքը բազմաթիվ հայցեր է ներկայացրել աշխարհահռչակ հայտնի ընկերությունների՝ HTC-ի, Motorola-ի և Amazon-ի դեմ՝ իրենից տեխնոլոգիաներ գողանալու համար:
