Ավստրալացի գիտնականները եկել են եզրակացության, որ մեղուները հրաժարվում են ընտրել ծաղիկը, երբ հասկանում են, որ դրանում ընտրություն կատարելու համար անհրաժեշտ տվյալներ չկան: Դա վկայում է մեղվի՝ իր «գիտելիքների պաշարը» գնահատելու կարողության մասին, որն ավելի վաղ համարվում էր բացառապես մարդկանց բնորոշ հատկություն: Այս մասին հայտնում է RIA Novosti-ն:
Ինչպես ասվում է Proceedings of the National Academy of Sciences ամսագրում, գիտնական Քլինթ Փերին և նրա գործընկեր Էնդրյու Բարոնը՝ Սիդնեյի համալսարանից, հետևել են մի քանի մեղուների վարքին անսովոր իրավիճակներում:
Մասնավորապես, փորձի ժամանակ գիտնականները տարայից բաց էին թողել մեղուներին, որոնց պատերին եղել են շաքարի օշարակով ու կծու հեղուկով սրվակներ:
Ամեն մի տարայի մոտ փակցված է եղել նկար, որը մեղուները կարող էին օգտագործել «ճիշտ» սրվակ ընտրելիս:
Մեղուները վատ չեն հաղթահարել ընտրության խնդիրը և 80 տոկոս դեպքերում ճիշտ որոշում են կայացրել 10-րդ փորձից հետո:
Դրանից հետո, երբ մեղուները հաղթահարել են խնդիրը, գիտնականները դժվարացրել են առաջադրանքը:
Գիտնականները համոզված են, որ մեղուները կարողանում են գնահատել սեփական գիտելիքները կամ մտքերի ճշտությունը:
