Apple-ը գործարան է բացում Արիզոնա նահանգում: Այնտեղ մոտ 700 մարդ կաշխատի, որոնք կզբաղվեն սմարթֆոնների ու պլանշետների համար որոշ բաղադրիչների արտադրությամբ: Եվս 13000 մարդ կմասնակցի համալիրի շինարարությանն ու սարքավորումների մոտնաժին: Այս մասին հայտնում է Vesti-ն:
Ձեռնարկությունում կտեղադրվի GT Advanced Technologies ընկերության սարքավորումը, որը կիրառվում է շափյուղայից պաշտպանիչ ապակու պատրաստման համար: Ապակին կիրառվում է տեսախցիկների լինզաներում և մատնահետքերի սկաներներում:
Apple-ի մամլո քարտուղար Քրիստին Հուգեի խոսքով՝ գործարանը կօգտագործի վերականգնվող էներգիայի աղբյուրներից ստացված էներգիան: Ձեռնարկության մոտ կտեղակայվի արևային մարտկոցներով ֆերմա, որն էլ գործարանը կապահովի էներգիայով: Դրա շնորհիվ արտադրական համալիրի գործառական ծախսերը որոշակիորեն կնվազեն:
