Հացադուլ հայտարարած «Սասնա ծռերի» 2 անդամների առողջական վիճակը ժամառժամ վատանում է, քմահաճույքի համար չէ, որ հացադուլ են իրականացնում, նրանց պահանջները պետք է բավարարվեն։ Այս մասին «Առաջին լրատվական»-ի հետ զրույցում ասաց «Հանուն Հայաստան պետության» ճակատի անդամ Ալեք Ենիգոմշյանը։
«Մենք ակնկալում ենք, որ խելքի կգան, չեն ուշացնի դրական հանգուցալուծումը այս խնդրի, որը իրենից ոչինչ չի ներկայացնում. ամբողջ խնդիրը «Նուբարաշեն» ՔԿՀ-ից «Արմավիր» ՔԿՀ տեղափոխելն ու այնտեղ առանձնախցում պահելը։ Հույս ունենք՝ խելքի կգան և այդ որոշումը կկայացնեն, լրացուցիչ մագլցումների անհրաժեշտություն չի լինի։ Բայց, ինչպես ասացի, օրից օր չէ, ժամից ժամ առողջական վիճակները վատանում է, մենք բնականաբար ձեռքներս ծալած չենք մնա. եթե խելքի չգան, վստահաբար քայլերի կդիմենք և պատրաստ ենք իրենց կողմից ցանկացած քայլի»,- շեշտեց նա։
ՀՀ արդարադատության նախարարության քրեակատարողական վարչությունը լավ գիտի ՔԿՀ-ի պայմանները և քաջ գիտակցում է, որ տղաները քմահաճույքի համար չեն հացադուլ իրականացնում։
Մանրամասները՝ տեսանյութում:
