Շվեյցարաբնակ գործարար Սարգիս Իզմիրլյանի BML Properties ընկերությունը դատական հայց է ներկայացրել China Construction America չինական ընկերության դեմ։ Մեղադրանքներն առնչվում են անօրինական ինքնահարստացմանը, փոխանցում է Reuters գործակալությունը։
Չինական ընկերության գործողությունները հանգեցրել են 2015 թվականին Բահամյան կղզիներում հյուրանոցի և խաղատան շինարարության նախագծի տապալմանը։ Նախագծի արժեքը կազմել է 3,5 միլիարդ դոլար։ Իզմիրլյանի ընկերությունը կրած 2.25 միլիարդ դոլարի փոխհատուցում է պահանջում։
Հայցում նշվում է, որ չինացի գործընկերները ներկայացրել են վիթխարի կեղծ հաշիվներ, ավարտին չեն հասցրել նախագիծը և շինհրապարակում գործի են դրել անփորձ աշխատողների։
Իզմիրլյանի ընկերությունը 2015-ին ստիպված էր հայտարարել սնանկության մասին հենց այդ նախագծի տապալման պատճառով։
