Ամերիկացի լրագրողները 25 տարվա մեջ առաջին անգամ կարողացել են լուսանկարել պաշտոնապես Քենեդու մարդասպան անվանված Լի Հարվի Օսվալդի այրուն՝ Մարինա Օսվալդ Պորտերին: Երեկ նրա լուսանկարը հրապարակել է Splash News պորտալը ինչից հետո լուսանկարը արագորեն տարածվել է, տեղեկացնում է ITAR-TASS-ը:
Ներկայումս 72-ամյա Օսվալդ-Պորտերը ապրում է Տեխաս նահանգի ոչ մեծ քաղաքներից մեկում՝ Ռոկուոլում:
Պապարացիները նրան լուսանկարել էին Walmart հանրախանութի մոտ կայանելիս: Նշվում է, որ լուսանկարներն արվել են այս հոկտեմբերի սկզբին:
1962թ. ամուսինները ԽՍՀՄ-ից տեղափոխվել էին Դալլաս, որտեղ էլ 1 տարի անց հնչել էր կրակոցը, որը ճակատագրական եղավ Քենեդու համար:
2 օր անց՝ 1963թ. նոյեմբերի 24-ին, Օսվալդին ոստիկանական տեղամասում գնդակահարեց գիշերային ակումբի տեր Ջեք Ռուբին:
Մարինան Օսվալդի մահից որոշ ժամանակ անց ամուսնացավ իր հարևանի հետ ու 1970-ականներին տեղափոխվեց Ռոկուոլ: