Չարլզ Ու. Հովարդի անվան Սանտա Կլաուսների դպրոցում այս տարի սովորել է մոտ 200 Սանտա Կլաուս և միսիս Կլաուս ԱՄՆ-ից, Կանադայից, Դանիայից և Նորվեգիայից։
Այնտեղ նրանք սովորում են փայտե խաղալիքներ պատրաստել, զարգացնում են հեքիաթ պատմելու արվեստը, սահնակ քշում, կերակրում հյուսիսային եղջերուներին, ինչպես նաև սովորում սուրբծննդյան տրամադրություն փոխանցելու գաղտնիքները, Սանտայի ժեստերն ու նրա ծագման պատմությունը։
Առաջին այդպիսի դպրոցը բացվել է 1937 թվականին Նյու Յորք նահանգի Ալբիոն ավանում։ Այն հիմնադրել է Չարլզ Հովարդը։ Դպրոցի նշանաբանն է դարձել նրա արտահայտությունը. «Սխալվում են նրանք, ովքեր կարծում են, թե Սանտան գալիս է ծխնելույզով։ Նա գալիս է սրտի միջով»։
Ուսուցման կուրսը տևում է 3 օր, արժեքը 500 դոլար է։
