Թուրքիայում ոստիկանները ցրել են Սիրիայի սահմանին պատ կառուցելու դեմ բողոքողների ցույցը, տեղեկացնում է Associated Press-ը:
Դեպքը տեղի է ունեցել Թուրքիայի հարավ-արևելքում՝ Նուսայբին քաղաքում: Ոստիկանները ցուցարարներին ցրելու նպատակով արցունքաբեր գազ են կիրառել: Ցուցարարները տեղի բնակիչներ են եղել, ովքեր բողոքել են Նուսայբինի և սիրիական Քամիշլի բնակավայրի միջև պատ կառուցելու դեմ: Նշվում է, որ Նուսայբինի քաղաքապետը հացադուլ է հայտարարել՝ բողոքելով շինարարության դեմ:
Ըստ տեղեկությունների՝ բողոքողների մեծամասնությունը քրդեր են, ովքեր բնակվում են թուրք-սիրիական սահմանի երկու կողմերում: