35-ամյա կինը, ով մեծացել աստվածապաշտ ընտանիքում և խորը կրոնական դաստիարակություն է ստացել, Մեքսիկայի քաղաքներից մեկի բնակիչների համար իսկական աստվածուհի է դարձել: Դա տեղի է ունեցել այն բանից հետո, երբ նա ոտքից գլուխ իրեն ծածկել է դաջվածքներով, իսկ գլխի մեջ խրել է հսկայական տիտանե եղջյուրներ: Այս մասին գրում է Mail Online-ը:
Ուստի զարմանալի չէ, որ Քրիստերնա Մարիան ստացել է «վամպիր-տիկին» մականունը:
Մարիան հաճախ է բռնության ենթարկվել ընտանիքում: Նա, թողնելով փաստաբանի աշխատանքը, սկսել է դասախոսություններ կարդալ բռնության մասին, որպեսզի համաքաղաքացի կանայք չարժանանան իր բախտին: Քրիստերնան իր մտերիմ ընկերուհու` դիջեյ Գիս Սանչեսի հետ ճամփորդում է ողջ աշխարհով:
Վերջինս պատմում է, որ սկզբում, երբ քաղաքի բնակիչները տեսնում էին Մարիային, փողոցի հակառակ կողմն էին անցնում և խաչակնքում: Շատերը նրան թմրամոլ կամ խելագար են համարել: Այժմ, սակայն, հանդիպելիս համբուրում են նրա ձեռքը և օրհնություն խնդրում`ասես, աստվածուհու կամ գերբնական ուժի են հանդիպել:
