Ոստիկանության ՊՊԾ գունդը գրաված և մի շարք ծանր հանցագործությունների մեջ մեղադրվող «Սասնա ծռեր» խմբի անդամներից Արամ Մանուկյանի, Հովհաննես Հարությունյանի, Թաթուլ Թամրազյանի, Արամ Հակոբյանի, Տիգրան Մանուկյանի, Արայիկ Հակոբյանի, Վարդան Գերավետյանի, Մարտիրոս Հակոբյանի, Սերգեյ Կյուրեղյանի, Գևորգ Իրիցյանի, Թորոս Թորոսյանի գործով դատական նիստում այսօր հերթական միջադեպը տեղի ունեցավ ամբաստանյալների և մեղադրող դատախազների միջև:
Մարտիրոս Հակոբյանին՝ «Դեդ»-ին, զայրացրեց այն հանգամանքը, որ դատախազները գրավոր ապացույցներ են ընթերցում՝ չբացատրելով, թե ինչպես է X անձնավորությունը ճանաչվել որպես տուժող: Դատախազներն էլ նշեցին, որ իրենց հարցեր ուղղելու և բացատրություններ պահանջելու ընթացակարգ չկա:
Ամբաստանյալներից Մարտիրոս Հակոբյանը սկսեց տեղից բղավել, ապա վիրավորական արտահայտություններ ու պիտակավորումներ հղեց դատախազների հասցեին:
