Ստեփան Ջիգարխանյանը, ում Արմեն Բորիսովիչը դաստիարակել է հարազատ որդու նման, հատուկ ժամանել է Մոսկվա՝ տևական կոնֆլիկտից հետո հոր հետ հանդիպելու համար։ Տղամարդիկ չեն տեսնվել երկար տարիներ և տևական ժամանակահատվածում առաջին անգամ հանդիպել են «Թող խոսեն» ծրագրի եթերում։
Լինելով Տատյանա Վլասովայի հետ ամուսնական կապերի մեջ՝ Արմեն Ջիգարխանյանն ընդունել էր նրա որդուն՝ Ստեփանին։ Դերասանը նրան ընդունել էր աշխատանքի իր թատրոնում, սակայն որոշ ժամանակ անց տղամարդկանց միջև հարաբերությունները խաթարվել էին։ Ստեփանը ստիպված էր եղել լքել զբաղեցրած պաշտոնը, վերջին տարիներին ապրել է ԱՄՆ-ում։
Թողարկման ժամանակ Ստեփանը հայտնել է, որ ինքն Արմեն Բորիսովիչի հետ վերջին անգամ շփվել է 18 տարի առաջ։
Արմեն Բորիսովիչը գրկախառնությամբ է ընդունել որդուն, ով հանդիպման էր եկել դերասանի անձնական խնդրանքով։
Հետաքրքրական է, որ հաշտությունից հետո Արմեն Բորիսովիչը հարազատին է փոխանցել ինչ-որ կարևոր փաստաթուղթ։ Թե կոնկրետ ինչ բովանդակության է եղել փաստաթուղթը, եթերում այդպես էլ չեն հայտնել։
