Վրացական Անակլիա քաղաքում սկսվել են խորջրյա նավահանգստի շինարարության աշխատանքները, որը կկապի Եվրոպան ու Ասիան։ Այս մասին հայտարարել է երկրի վարչապետ Գեորգի Կվիրիկաշվիլին։
Վարչապետի խոսքով՝ դա ամենամասշաբային նախագիծն է Վրաստանում XXI դարի սկզբից ի վեր, որը կդառնա «մեկնակետ՝ տարանցիկ երկրից արդյունաբերության, լոգիստիկայի և արդյունաբերության զարգացման երկրի փոխակերպման»։
«Դա եզակի նախագիծ է, քանի որ Վրաստանը դրանով իսկ կհաստատի իր դիրքը Մետաքսի ճանապարհի քարտեզի վրա։ Այդ նավահանգիստը թույլ կտա մեր երկրին ընդունել ամենամեծ նավերը»,-ընդգծել է Կվիրիկաշվիլին՝ հավելելով, որ նավահանգիստը նաև հնարավորություն կտա տարածաշրջանին և Վրաստանի բոլոր բնակիչներին անձնական բիզնես սկսելու համար։
Kavkazplus.com-ի հաղորդմամբ՝ նավահանգստի առաջին փուլի շինարարությունում կներդրվի 586 մլն դոլար։ Ծրագրվում է, որ շինարարությունը կշարունակվի մինչ 2020 թվականը։
Նավահանգստի համար կկառուցվի նաև քաղաք-արբանյակ։ Նախագծի ավարտից հետո Անակլիայի նավահանգստի թողունակությունը կկազմի տարեկան 76.5 մլն տոննա։
