Պակիստանի Կարաչի քաղաքի 7-ամյա բնակչուհի Ֆիզա Չանայի մոտ ի հայտ է եկել հերնիա, նրան շտապ վիրահատություն է հարկավոր։ 5 տարեկանից աղջիկը ոչ մի օրն առանց ցավի չի անցկացնում։ Այս մասին հայտնում է Daily Mail-ը։
27-ամյա Կանվալի և 28-ամյա Սամի Ուլահ Չանայի առաջնեկը ծնվել է ժամկետից 3 ամիս շուտ։ Ծնվելուց հետո երեխաների պորտային անցքը փակվում է, սակայն որոշ դեպքերում մկանները լիովին չեն սեղմվում, հիմնականում մկանային թուլության հետևանքով։ Դրա հետևանքով կարող է զարգանալ պորտային ճողվածք, այն հանդիպում է յուրաքանչյուր 5-րդ թերզարգացած երեխայի մոտ։ Ֆիզան հենց այդ 5-րդն է եղել։
Խորհուրդ չի տրվում նման նորածիններին վիրահատության ենթարկել։ Լինում է այնպես, որ ճողվածքի զարգացումը կանգ է առնում 2 տարեկանում և չի խանգարում ողջ կյանքի ընթացքում։ Սակայն Ֆիզայի մոտ այն մշտապես աճել է։ 5 տարեկանից այն սկսել է սաստիկ ցավել և խոչընդոտել վազքին ու երեխայի նորմալ զարգացմանը։ Ֆիզայի ճողվածքը կշռում է 1 կգ։
Մոր խոսքով՝ երբեմն երեխան գալիս ու խնդրում է հեռացնել այն, սակայն ծնողները ոչինչ անել չեն կարող, աղքատությունը թույլ չի տալիս նրանց վիրահատության դիմել։