Google ընկերությունը ներկայացրել է իր Google+ սոցցանցում լուսանկարների ու տեսանյութերի հետ աշխատանքի նոր գործառույթներ, որոնք կոչված են սոցցանցում նոր օգտատերեր ներգրավել և ընդլայնել այն ժամանակը, որն օգտատերերն անցկացնում են ցանցում: Այս մասին ասվում է Google-ի հաղորդագությունում, փոխանցում է Digit.ru-ն:
Սոցցանցն առաջին անգամ չէ խաղադրույք կատարում լուսանկարների հետ աշխատանքի վրա: Մայիսին սոցցանցն ավելացրել էր լուսանկարների ավտոմատ մշակման նոր գործառույթները և «ամպային» պահեստում մինչև 15 Գբ ծավալով լուսանկարներ պահելու հնարավորություն է տալիս: Հայտնվել էր նաև կոլաժներ և դինամիկ լուսանկարներ ստեղծելու հնարավորություն:
Նոր գործառույթների շրջանակում օգտատերերը հնարավորություն են ստացել նկարից հեռացնել անպետք օբյեկտները: Ավելացվել է ավելի քան 1000 բառ, որոնցով հնարավոր է որոնում կատարել ներբեռնված լուսանկարների շարքում:
Նշենք, որ սոցցանցն ունի 300 մլն ակտիվ օգտատեր:
