Ոչ թե պետք է սպասել կառավարությունների կամ միջազգային կազմակերպությունների որոշումներին, այլ պարզապես անցում կատարել հեծանիվի։ Այդ կերպ մոլորակի յուրաքանչյուր բնակիչ կարող է իր ներդրումն ունենալ կլիմայական փոփոխությունների խնդրի լուծման հարցում, կարծում է Կալիֆորնիայի նախկին նահանգապետ Առնոլդ Շվարցենեգերը։
Heureuse de recevoir une nouvelle fois Arnold @Schwarzenegger à #Paris. Les Villes & les Régions du monde sont unies pour la qualité de l’#air. Pleased to welcome @Schwarzenegger. Cities and Regions of all over the world are together to defend air quality #StopPollution pic.twitter.com/BkUPcWlV7d
— Anne Hidalgo (@Anne_Hidalgo) December 11, 2017
Իր դիրքորոշումը նա ցուցադրել է՝ հեծանվով գնալով Փարիզի քաղաքապետ Անն Իդալգոյի հետ հանդիպման։
Հանդիպումն անցկացվել է «Մեկ աշխարհ» կլիմայական գագաթնաժողովի շրջանակում, որի աշխատանքը մեկնարկել է Փարիզում։
«Մենք ունենք իրավունք՝ վերահսկելու օդը, որը շնչում ենք։ Սխալ է միջազգային համաձայնագրերի կամ դաշնային կառավարությունների որոշումների սպասելը՝ շրջակա միջավայրի համար ինչ-որ բան անելու համար»,-ասել է Շվարցենեգերը։
Գագաթնաժողովը կազմակերպվել է Ֆրանսիայի, Համաշխարհային բանկի և ՄԱԿ-ի համատեղ ջանքերով։
Այն անցկացվել է Փարիզի կլիմայական համաձայնագրի ընդունման 2-ամյակի կապակցությամբ։
Վերջին 2 տասնամյակում կլիմայական փոփոխությունների հետևանքով ամենալուրջ վնասը կրել են Հոնդուրասը, Հայիթին և Մյանմարը։