ԱԺ «Ելք» խմբակցության պատգամավոր Էդմոն Մարուքյանը լրագրողների հետ ԱԺ ճեպազրույցում նշեց, որ իրենց դաշինքը քննարկումների արդյունքում հանգել է ան եզրակացության, որ քաղաքացիներին պետք է ասվի, որ այսօրվա իրավիճակի համար նաև իրենք են պատասխանատու. «Ի վերջո, ինչ է նշանակում քաղաքացի. քաղաքացին մարդ է, որը գիտակցում է, որ ինքը իր երկրի, իր հատվածի տերն է, իր երկրի Սահմանադրության, զինանշանի, դրոշի համար պայքարող մարդ է, և ինքն ամեն ինչ անում է, որ իր երկիրը զարգանա, հզորանա: Եվ քաղաքացիական մտածողության կոնտեքստում ընտրակաշառքը որևէ ձևով չի տեղավորվում»:
Մարուքյանի խոսքով՝ իրենք խիստ քննադատվում են այն մարդկանց կողմից, ովքեր այդ գումարը վերցրել են. «Որովհետև նրանք ուզում են դա անել ու մեղավոր չլինել և ասել, որ իշխանություններն են մեղավոր. իշխանությունները մեղավոր են, բայց դու էլ ես մեղավոր, որ փողը վերցրել ես. դրա համար են իշխանությունները քեզ աղքատ պահում»:
Պատգամավորի համոզմամբ՝ հաջորդ ընտրություններին ավելի քիչ մարդ ընտրակաշառք կվերցնի. «Մեր այս դիրքորոշման շնորհիվ»:
Մանրամասները՝ տեսանյութում:
