Բրիտանացի սուպերմոդել Նաոմի Քեմփբելը մասնակցել է Լոնդոնում դեկտեմբերի 9-ին ստրկության դեմ անցկացված երթին։ Այս մասին աստղը հայտնել է իր Instagram-ում։
Ցուցապաստառի վրա, որը կրել է Նաոմին, գրված է եղել. «Դադարեցրե՛ք ստրկավաճառությունը Լիբիայում»։ Մոդելը կոչ է արել իր բաժանորդներին տարածել այդ լուսանկարը, եթե նրանք նույնպես աջակցում են իր դիրքորոշմանը։ Համացանցային օգտատերերը գնահատել են մոդելի նման քայլը։ Նրանք հույս են հայտնել, որ Նաոմին հաջողության կհասնի իր բարի գործում։
Լիբիայի քաղաքական ռեժիմի առանձնահատկությունները ստիպում են շատերին փորձել դուրս գալ այնտեղից։ Սակայն շատ հաճախ փախստականները կապվում են անազնիվ մարդկանց հետ, ովքեր նրանց Եվրոպա ուղարկելու փոխարեն վաճառում են որպես ստրուկ։
