Մեծ Բրիտանիայի բնակիչը հանուն սոցցանցերում լայքերի որոշել է ստեղծել «քառակուսի գլխի» էֆեկտ և խրվել-մնացել է միկրոալիքային վառարանի մեջ, հայտնում է Birmingham Mail-ը։
Մտածածն իրագործելու համար բրիտանացին կիրառել է ցելյուլոզային զանգված՝ հիդրոմեկուսացման համար։ Նա դրանով է լցրել վառարանը՝ անհրաժեշտ ձև ստանալու համար, որից հետո այնտեղ է մտցրել գլուխը և գիտակցել, որ խրվել է. զանգվածը սառել է ավելի արագ, քան նա ակնկալել է։
We’re seriously unimpressed 😡.
Five of our firefighters were tied up for an hour this afternoon, freeing a YouTube pranker whose head had been ‘cemented’ inside a microwave oven. Read more: https://t.co/6bZReGuKQX (Photos © West Midlands Fire Service) pic.twitter.com/2ch2UhszeH— West Midlands Fire (@WestMidsFire) December 7, 2017
Տղամարդու ընկերները 1.5 ժամ փորձել են նրան ազատ արձակել, սակայն կարողացել էն միայն ձողիկ հասցնել բերանին, որպեսզի նա շնչահեղձ չլինի։ Դրանից հետո նրանք շտապօգնություն են կանչել, որն իր հերթին դիմել է հրշեջներին։
Միջադեպից հետո հրշեջ ծառայության թվիթերյան պաշտոնական էջում հայտնվել է հաղորդագրություն այն մասին, որ հրշեջները տպավորված չեն «պրանկերի հումորի զգացումից», քանի որ 5 հրշեջներ 1 ժամ անցկացրել են նրան ազատ արձակելու վրա։
