ՀՀ ԱԺ առողջապահության և սոցիալական հարցերի մշտական հանձնաժողովի նախագահ, ՀՀԿ խմբակցության անդամ Հակոբ Հակոբյանը հայտարարել էր, որ թանկացումը աղքատների վրա չի ազդում, աղքատ մարդկանց մոտ սովորություն կա, որ նրանք խուսափում են թանկացած կամ թանկ ապրանք գնելուց։
ԱԺ «Ծառուկյան» խմբակցության պատգամավոր Նապոլեոն Ազիզյանը անդրադառնալով հայտարարությանը, ասաց․
«Ճիշտն ասած, ես չեմ հավատում, որ Հակոբ Հակոբյանը նման բան է ասել, որովհետև դա խելքից դուրս արտահայտություն է, ոնց թե գումար չունեն, որ չազդի։ Էդ մարդիկ ապրում են, եթե մարդը փորձում էր էդ 10 հազար դրամով 1 կգ կարագ առներ, կամ 1կգ վերմիշել, մի կգ չի կարող առնի, պիտի 100 գրամ առնի։ Եթե Հակոբ Հակոբյանը ըտնեց բան է ասել, ինձ շատ զարմացնում է։ Փաստորեն ինքը չգիտի աղքատների ղադրը՝ կուշտն ինչ գիտի՝ սովածն ինչ վիճակի մեջ է, մարդիկ մոռանում են, որ գոմից դուրս են գալիս, հետո չգիտեն՝ ում միջոցով հարստանում են, մոռանում են, որ աղքատ մարդիկ կան։ Այ մարդ, աղքատը շատ-շատ մեծապատիվ մուրացկաններից հարուստ է, ովքեր փող ունեն, բայց աղքատ են, էսօրվա սոված ժողովուրդը աղքատ չի»։
Մանրամասները՝ տեսանյութում։
