Իրանի մեջլիսի (խորհրդարանի) պատգամավոր Հոսեյն Նավկի Հոսեյնին հայտարարել է, որ Թեհրանն այլևս կարիք չունի մինչև 20 տոկոս ուրանի հարստացման: Այս մասին հաղորդում է Assocated Press գործակալությունը:
Հոսեյնին ասել է, որ Թեհրանում հետազոտական ռեակտորը մատակարարում է «վառելիք, և տվյալ պահին մինչև 20 տոկոս ուրանի հարստացման արդյունաբերության անհրաժեշտություն չկա»:
Հայտնի է, որ Հոսեյնին ո՛չ Իրանի կառավարության պաշտոնական ներկայացուցիչ է, ո՛չ էլ «վեցյակի» հետ բանակցություններում պատվիրակության անդամ, սակայն մեջլիսի պատգամավորների շրջանում վայելում է հեղինակություն: