Աշխատանքի հարցերով Գերմանիայի դաշնային գործակալությունն ապամոնտաժում է իր մասնաճյուղերում տեղադրված բոլոր ավտոմատները, որոնց միջոցով վճարվում են գործազրկության նպաստները։ Դրանց փոխարեն այդ գումարները հնարավոր կլինի ստանալ սուպերմարկետների դրամարկղերից, հայտարարել է գերատեսչության ներկայացուցիչը, փոխանցում է DW-ն։
Նպաստները կվճարեն ավելի քան 8000 առևտրի կետեր, այդ թվում Rewe, Penny, Real, DM և Rossmann ցանցերը։ Անցումը սուպերմարկետներում նպաստների ստացման համակարգին կավարտվի 2018 թվականի վերջին։
2016 թվականին դաշնային գործակալությունը վճարել է 120 մլն եվրոյի մոտ 400 հազար նպաստ։
Ավտոմատները կապամոնտաժվեն խնայողության նպատակով։ Գործակալության մասնաճյուղերում ավելի քան 300 ավտոմատների սպասարկումը տարեկան արժենում է մոտ 3.2 մլն դոլար։
