Հայաստանում ելնելով աշխարհաքաղաքական իրավիճակից բոլորը պետք է զինվորական գործի հետ առնչություն ունենան։ Այդ մասին «Առաջին լրատվական»-ի հետ զրույցում ասաց վերլուծաբան Արծրուն Պեպանյանը։
«Բոլորը պիտի պատրաստ լինեն՝ ցանկացած պահի զենք վերցնեն, որովհետև այն աշխարհաքաղաքական իրավիճակը, որում մենք ենք, ցանկացած պահի կարող է պայթյուն լինել, այդ ժամանակ գիտնականները մեզ չեն փրկի»։
Արծրուն Պեպանյանը ընդգծում է, որ տարկետման ներկա ձևի փոփոխությամբ, որքան էլ որ չեն ասում՝ բանակում համալրման խնդիր են լուծում։
«Ես որպես վերլուծաբան՝ նախընտրում եմ երևույթների արմատները քննել, քան հետևանքները։ 2003 թ-ին մի գիրք եմ հրատարակել՝ քաղաքական հետազոտություն, որտեղ ես հարց էի բարձրացնում, պնդելով, որ եթե մենք երկրում սոցիալ-տնտեսական, բարոյահոգեբանական անհրաժեշտ փոփոխություններ չանենք, ապա որոշ ժամանակ հետո մենք խնդիր ենք ունենալու բանակին անհրաժեշտ թվի զինվորներ ապահովելու գործում։ Հաշվարկել էի, թե տարեկան քանի երեխա է ծնվում, քանիսն են տղա, քանիսը՝ աղջիկ, քանիսն է հնարավոր, որ արտագաղթեն, կամ այդ տարիքին չհասնեն, հիվանդանան, և ասել էի, որ որոշ ժամանակ հետ մենք բանակի համալրման խնդիր ենք ունենալու, անհրաժեշտ քայլերը չարվեցին, և մենք կանգնած են խնդրի առաջ»,- շեշտեց նա։
Արծրուն Պեպանյանը նաև ընդգծեց, որ եթե բանակում այլ միջավայր լիներ՝ ուսանողներն այսպես չէին արձագանքի։
Մանրամասները՝ տեսանյութում։
