Վրաստանը ԵՄ-ի հետ հարաբերությունների հետագա զարգացման վրա հիմնվելով բարեփոխումերի իրականացմանն ուղղված ջանքերի դրսևորման տեսանկյունից ամրապնդել է տարածաշրջանում ռազմավարական գործընկերոջ դիրքը, ասվում է Եվրահանձնաժողովի հաշվետվությունում, որը վերաբերվում է ԵՄ-ի հետ ասոցացման մասին համաձայնագրի իրագործման փաստաթղթին։ Հաշվետվությունում ընդգրկված է 2016 թվականի դեկտեմբերից 2017 թվականի ավարտն ընկած ժամանակահատվածը, փոխանցում է «Գռուզիա Օնլայնը»։
Հաշվետվությունում ասվում է, որ 2018 թվականին Վրաստանի և ԵՄ-ի հարաբերությունները դարձել են ավելի սերտ և ինտենսիվ։ Մասնավորապես ընդունվել է ԵՄ-ի հետ առանց վիզա ռեժիմը, որը հնարավոր է դարձել Վրաստանի իշխանությունների կողմից անցկացված լայնածավալ բարեփոխումների արդյունքում։
Հաշվետվությունում ասվում է, որ 2016 թվականի խորհրդարանական ընտրությունները հաստատում են երկրի եվրոպական կուրսը, ուղղվածությունը դեպի ԵՄ կառույցներ, քաղաքական ասոցացվածությունը և տնտեսական ինտեգրացիան։
Փաստաթղթում նաև ընդգծվում է, որ 2016 թվականին ԵՄ-ն դարձել է Վրաստանի խոշորագույն առևտրային գործընկերը։
Համաձայն փաստաթղթի՝ Վրաստանը մնում է ԵՄ-ի համար կարևոր գործընկեր ահաբեկչության դեմ պայքարի, անվտագության ամրապնդման և անդրսահմանային հանցագործությունների դեմ պայքարի ոլորտներում։
ԵՄ-ն Վրաստանին ցուցաբերում է կարևոր փորձագիտական և ֆինանսական աջակցություն՝ ասոցացման մասին համաձայնագրի հաջող իրականացման համար։
