Արդեն մի քանի ամիս է՝ արքայազն Հարրիի և Մեգան Մարքլի մոտ շրջապատը մամուլին հայտնում է, որ նրանք դեկտեմբերի սկզբին կհայտարարեն նշանադրության մասին: Վերջերս հարցազրույցի ժամանակ Մարքլը նշել է, որ շատ է սիրում պարզ և ռոմանտիկ զգեստներ, և հայտնի դիզայներները սկսել են մտածել՝ ինչպիսին կլինի Մեգանի հարսանեկան զգեստը: Ներկայացնում է ELLE-ն:
Չելսիից դիզայներ Սասսի Հոլֆորդը Մեգանին առաջարկել է փղոսկրի գույնի նրբագեղ զգեստ, որը կընդգծի դերասանուհու թեթև բնավորությունը: Ինես Դի Սանտոն Տորոնտոյից կարծում է, որ Մարքլին հարմար կլինի «ուլտրա-կանացի» կիպ զգեստ բաց ուսերով և մեջքով, ժանյակներով, բյուրեղներով և մարգարիտներով: Նյույորքցի կուտուրյե Դենիս Բասսոն պատկերացրել է ավանդական զգեստ երկայնափեշով, իսկ լեգենդար Ժակ Ազագուրին՝ մեծ ժամանակակից զգեստ:
Դերասանուհու երկրպագուները համոզված են, որ նա կընտրի ավանդական զգեստ, սակայն Մեգանին մոտ աղբյուրները պնդում են, որ վերջնական ընտրությունն անակնկալ կլինի:
