Դերասանուհի Պորշա դե Ռոսսին մեղադրել է դերասան, պրոդյուսեր և սցենարիստ Ստիվեն Սիգալին սեռական ոտնձգությունների մեջ։ Այս մասին ամերիկուհին հայտնել է իր թվիթերյան էջում։
Հայտնի հաղորդավարուհի Էլեն Դեջեներեսի 44-ամյա կինը հայտնի է նաև «Դանդաղ զարգացում» և «Սկանդալ» սերիալներում իր դերերով։ Նրա խոսքով՝ Ստիվեն Սիգալը սկսել է անհանգստացնել իրեն գրասենյակում՝ նրա ֆիլմերից մեկում դերի համար անցկացված քասթինգի ժամանակ։ Նա նստեցրել է դերասանուհուն և արձակել իր կաշվե տաբատը։ Աղջիկը դուրս է վազել և կանչել իր գործակալին։
Վերջին շրջանում Հոլիվուդում շղթայաբար բռնկվում են սկանդալներ՝ կապված բռնաբարությունների կամ սեռական ոտնձգությունների հետ։
