Nokia ֆիննական ընկերությունը Աբու Դաբիում մամլո ասուլիսի ժամանակ ներկայացրել է Lumia 2520 պլանշետն ու Lumia 1320 սմարթֆոնը:
Ինչպես հայտնում է The Next Web-ը, Lumia 2520 պլանշետն ունի 10.1 դյույմանոց HD դիսփլեյ, Qualcomm Snapdragon 800 պրոցեսոր, 6.7 և 2 մեգապիքսելանոց տեսախցիկներ: Սարքն աշխատում է Windows RT 8.1 օպերացիոն համակարգով, հասանելի կլինի սև և կարմիր գունային տարբերակներով: Այն կվաճառվի 500 դոլարով:
Lumia 1320 սմարթֆոնն ունի 6 դյույմանոց էկրան (720p) և աշխատում է Windows Phone 8 ՕՀ-ով: Սարքը կհայտնվի նարնջագույն, դեղին, սպիտակ և սև գունային լուծումներով: Այն կարժենա 339 դոլար:
Բացի այդ, Nokia-ն ներկայացրել է Lumia շարքի սարքերի համար երեք նոր հավելված: Դրանք են՝ Nokia Storyteller-ը, Nokia Video Director-ը և Nokia Beamer-ը: