«Սև մահը» դուրս է գալիս Մադագասկարից և կարող է տարածվել ամբողջ աշխարհում, հայտնում է MailOnline-ը: Մադագասկարում ժանտախտի բռնկումը լուրջ սպառնալիք է դառնում ամբողջ աշխարհի համար: Վերջին տվյալներով՝ այն արդեն վարակել է ավելի քան 1300 մարդու, 124-ը մահացել է: Ըստ փորձագետների՝ այս թվերը միայն կաճեն, քանի որ ժանտախտը թոքային ձև է ընդունել և տաածվում է օդակաթիլային ճանապարհով:
Դրա հարուցիչը փոխանցվում է մարդուց մարդուն հազալիս և փռշտալիս: Հիվանդների երկու երրորդը վարակված է ժանտախտի թոքային ձևով: Աֆրիկյան մերձակա երկրներն արդեն պատրաստվում են մահացու հիվանդության սպառնալիքին:
Ըստ Տեխասի համալսարանի միկրոկենսաբանության և իմունոլոգիայի պրոֆեսոր Աշոկ Չոպրայի՝ ժանտախտի տարածումը կարող է մոտակա երկրներ հասնել՝ նկատի ունենալով պարբերական ավիաչվերթները: Ժանտախտի ախտանիշերն են՝ հանկարծակի տենդ, ցավ գլխում և մարմնում, սրտխառնոց և փսխում: Ինկուբացիոն շրջանում հիվանդությունն աննկատ է, վարակվածը կարող է շրջապատողներին վարակել՝ այդ մասին չկասկածելով: Առողջապահության համաշխարհային կազմակերպությունը նախազգուշացում է հրապարակել Մադագասկարի մերձակա 9 երկրի համար: Ներկայումս վտանգված են՝ Եթովպիան, Քենիան, Տանզանիան, Մոզամբիկը, ՀԱՀ-ը և մի շարք կղզի-պետություններ:
