ԱՄՆ ազգային արխիվը երկրի 35-րդ նախագահ Ջոն Քենեդու սպանության գործով հրապարակել է ևս 676 փաստաթուղթ: Այս մասին ասվում է կազմակերպության հաղորդագրության մեջ:
Նշվում է, որ մեծ մասը (553 փաստաթուղթ) նախապատրաստել էր ԿՀՎ-ն, ևս 48-ը՝ Պենտագոնը և 18-ը՝ արդարադատության նախարարությունը: ԱՄՆ ազգային արխիվի համար սա արդեն փաստաթղթերի երրորդ հրապարակումն է. գրեթե 3 հազար փաստաթղթեր հրապարակվել էին հոկտեմբերի 27-ին:
Հիշեցնենք. ավելի վաղ հաղորդվել էր, որ Թրամփը հավանություն է տվել ԱՄՆ 35-րդ նախագահի սպանության գործով մոտ 3000 նյութերի հրապարակումը:
