Այսօր մեկնարկել է հոբելյանական iPhoneX-ի վաճառքը։ Սովորաբար ընկերության նորույթների համար հերթերը չեն զիջում դեպի տարբեր սրբավայրեր ուխտավորների հերթերին, հայտնում է Life պորտալը։
Apple-ի արտադրանքի մասին մտքերը մարդու մոտ գործի են դնում ուղեղի այն հատվածները, որոնք պատասխանատու են կրոնական տեղեկատվության մշակման համար։ Նյարդակենսաբանները նման եզրակացության են եկել՝ սքանավորելով ընկերության արտադրանքի երկրպագուի ուղեղը։ Նա խոստովանել է, որ անդադար մտածում է իր սիրելի սարքերի մասին։
Հետազոտությունում իրենց ներդրումն են արել նաև մարդաբանները։ Նրանց խոսքով՝ Apple-ի խանութների աշխատանքի ողջ մոդելը շատ ընդհանուր բան ունի տաճարների հետ՝ խստությունը, «երկնային» լուսավորությունը և նույնիսկ սրբազան տարբերանշանը։
Նոր հավատքում Աստծո դերով հանդես է գալիս ընկերության համահիմնադիր Ստիվ Ջոբսը։
