Բահրեյնի ԱԳՆ-ը պահանջում է դադարեցրել Կատարի անդամակցությունը Պարսից ծոցի արաբական պետությունների համագործակցության խորհրդին։ Այս մասին հայտնել է Բահրեյնի արտգործնախարար Խալեդ բեն Ահմեդ Ալ Խալիֆան իր թվիթերյան էջում։
Նրա խոսքով՝ բոյկոտը երկրի նկատմամբ կշարունակվի այնքան ժամանակ, քանի դեռ Կատարը չի փոխել իր քաղաքականությունը։
«Մենք ներկա չենք գտնվի գագաթնաժողովին, որտեղ պետք է նստել նրանց հետ, ովքեր գնալով ավելի են մերձենում Իրանի հետ և իրենց տարածք կանչում օտարերկրյա զորքերի, ինչը սպառնալիք է ներկայացնում խորհրդի անվտանգության համար»,-ասել է նա։
Քաղաքական ճգնաժամը սկսվել է հունիսի 5-ին, երբ Կատարի հետ դիվանագիտական հարաբերությունների խզման մասին են հայտարարել Բահրեյնը, Սաուդյան Արաբիան, Եգիպտոսը և ԱՄԷ-ն։ Այդ երկրները մեղադրել են Կատարին ահաբեկչական կազմակերպություններին աջակցելու մեջ։
