Եվրասիական միջկառավարական խորհրդի նիստում շատ կարևոր էր հատկապես տրանսպորատային ենթակառուցվածքների հարցի քննարկումը: Այս նիստը նաև անդամ երկրների տնտեսությունների թվային փոխակերպման սկիզբն էր: Նիստի արդյունքներին մասին Երևան-Աստանա-Բիշքեկ-Մինսկ տեսակամուրջին նման կարծիք հայտնեց Ղազախստանի «Նուր Օտան» կուսակցության հասարակական-քաղաքականության ինստիտուտի փոխտնօրեն Վլադիմիր Տելյանովը:
«Միջկառավարական խորհրդի նիստից կարևորում եմ հատկապես երկու տեսանկյունից: Նախ սա մեր տնտեսությունների թվային փոխակերպման սկիզբն էր: Համաշխարհային բանկի փորձագետները վերլուծությունների արդյունքում կանխատեսել են, որ 25 տարի հետո մեր տնտեսություններում թվային անվտանգության անցումը կտա համախառն արտադրանքի 11 տոկոս աճ»,-ասաց Տելյանովն ու հիշեցրեց՝ Սոչիում իրենց նախագահը՝ Նուրսուլթան Նազաբարևը առաջարկել էր 2018-ին անցկացնել թվայնացման թեմայով ֆորում:
Տելյանովը նիստի շրջանակում քննարկված թեմաներից կարևորեց նաև տրանսպորտային ենթակառուցվածքների հարցը: «Մենք կարծում եք, որ այդ հարցի լուծումից կախված կլինի ԵԱՏՄ-ի ապագան, քանի որ ենթակառուցվածքների նոր հիմնարար լուծումը բոլոր երկրներում կբարձրացնի ԵԱՏՄ-ն համաշխարհային տնտեսությունում: Մենք մեծ ուշարդություն ենք դարձնում այս հարցին: Ուրախ ենք, որ ինտեգրացիոն ծրագիրն առաջ է գնում նման ռիթմով»,-ասաց նա ու հավելեց՝ նիստի շրջանակում ընդունվել է 15 ծրագիր, որոնք բոլորն էլ շատ կարևոր են:
Տելյանովի կարծիքով՝ անդամ երկրների բոլոր հաջողությունները, տնտեսական աճը ինտոգրացիոն փոխգործակցության արդյունք են: ԵԱՏՄ-ն դարձել է ընդհանուր աճի խթան: Այն նպաստում է երկրների ազգային տնտեսությունների կայունությանը, ապահովում է դրական դինամիկա տարբեր ոլորտներում: Անդամ երկրների տնտեսությունները ներկայումս վերականգնման փուլ են: Եվ այդ փուլն ազդեցություն է ունենում ապրանքաշրջանառության վրա. այս տարիներին այն աճել է մոտ 28 տոկոսով:
