Ֆրանսիական կոսմետիկական L’Oreal կոնցեռնը բանակցություններ է վարում կոսմետիկայի ճապոնական Shiseido արտադրողի հետ՝ գնելու նրան պատկանող Decleor և Carita ապրանքանիշները: Այս մասին հայտնում է Reuters գործակալությունը՝ հղում անելով L’Oreal-ի պաշտոնական հայտարարությանը:
Ինչպես նշում է L’Oreal-ը, վերը նշված ապրանքանիշները զարգացման լավ հեռանկարներ ունեն միջազգային շուկայում:
2012 թվականին Decleor-ի և Carita-ի կոսմետիկ միջոցների վաճառքի ծավալը կազմել է 136 մլն դոլար:
Համաձայն ֆրանսիական ընկերության տեղեկատվության՝ գործարքը կարող է կնքվել մոտ ապագայում: Գործարքի արժեքի մասին չի հաղորդվում:
