«Ստորագրումը չի ձգձգվի, բայց պետք է գիտակցենք, որ ստորագրումից անմիջապես հետո այն ուժի մեջ չի մտնելու։ Դրանից հետո պետք է ուղարկվի ԵՄ անդամ երկրների Ազգային ժողովներ, Հայաստանի Ազգային ժողով՝ վավերացնելու համար։ Նույն Վրաստանի և Ուկրաինայի պարագայում այս գործընթացը մոտ մեկ տարի տևեց»,-«Առաջին լրատվական»-ի հետ զրույցում նման տեսակետ հայտնեց ԱԺ նախկին պատգամավոր Թևան Պողոսյանը՝ վստահություն հայտնելով, որ Հայաստան-Եվրամիություն ընդլայնված և համապարփակ գործընկերության համաձայնագիրը կստորագրվի նոյեմբերի 24-ին՝ Վիլնյուսում կայանալիք Արևելյան գործընկերության գագաթնաժողովի ընթացքում։
Թևան Պողոսյանը նշում է՝ հրապարակված տեքստը փաստում է՝ ղարաբաղյան հիմնահարցի շուրջ որևէ վտանգավոր դրույթ Եվրամիությունը չի առաջարկում. «Կարող են կարդալ և ինչ ուզեն ասել, բայց եթե կա տրամաբանություն, ապա պետք է հասկանան, որ ԵՄ-ն ճանաչում է Մինսկի ֆորմատը որպես կարգավորման միակ ֆորմատ։ Ամենակարևորը՝ միայն խաղաղ կարգավորման կողմնակից են։ Եթե այս տեսակ տեքստ լիներ 2016-ի հունվարին՝ Ստրասբուրգում, ապա լավ կլիներ՝ ԵՄ բոլոր երկրներին կարող էինք ասել՝ այս տեսակ պարտավորություն եք ստանձնել, դրանից հետո Մինսկի խմբի համանախագահների նամակ եք ստացել՝ առ այն, որ մի ձեռնարկեք գործողություն, որ կվնասի Ղարաբաղի խնդրին։ Այսինքն՝ ավելի լավ հնարավորություն կլիներ՝ այդ բանաձևերը չընդունելու հետ կապված»։
Հարցազրույցն ամբողջությամբ՝ տեսանյութում:
