Մշակման գործընթացի արդյունքում պարզվել է, որ ամերիկյան 5-րդ սերնդի մոտ 200 հատ F-35 Lightning II կործանիչ-ռմբակոծիչ ոչ մարտունակ է: Փորձագետների եզրակացությամբ՝ դրանք կարելի է օգտագործել միայն ավիաշոուներում և մարզումների ժամանակ, հայտնում է Popular Mechanics-ը:
Հնարավորինս շուտ զորանոցում 5-րդ սերնդի F-35 Lightning II-ներ ներառելու համար Պենտագոնը և Lockheed Martin ընկերությունը զուգահեռ և միաժամանակյա առաքում են իրականացրել: Ինքնաթիռը մշակվել է միաժամանակ 3 մոդիֆիկացիայով՝ ռազմաօդային ուժերի, ռազմածովային և ծովային հետևակի կորպուսի համար: Միևնույն ժամանակ, զորքերի համար մատակարարվել են դեռ մարտական գործողությունների պատրաստության կարգավիճակ չստացած ինքնաթիռներ, դրանք արդիականացնել առաջարկվել է տեղում՝ հիմնականում ծրագրային ապահովումը փոխելու միջոցով:
Ոչ մարտունակ ինքնաթիռների մեծ մասը ստեղծվել է Block 2B չափանիշով՝ 2 մակարդակով ցածր: Դրանց միջև ավելի քան 200 տարբերություն կա, ինչպես ծրագրային, այնպես էլ՝ ապարատային:
Ինքնաթիռների վերջնական մշակումն ամերիկացիների համար ավելի քան 39 մլրդ դոլար կարժենա: Առայժմ որոշված է այդ 189 ինքնաթիռները թողնել ինչպես կան՝ ավելի ուշ արդիականացնել, երբ դրա համար միջոցներ կլինեն:
