Քաղաքական և ընտրական տեխնոլոգիաների փորձագետ Արմեն Բադալյանի կարծիքով՝ վարչապետից մեծ սպասումներ կային պաշտոնավարման սկզբին, բայց մեկ տարվա ընթացքում երևաց նրա «ոչ ադեկվատությունը»: «Նա տարբեր տեղերում ասել է, որ ապրիլից հետո ցանկանում է պաշտոնավարել, բայց մենք Հայաստանի արտաքին քաղաքականության վերաբերյալ նրա կողմից որևէ հայտարարություն չենք լսում։ Այցերը՝ ԵԱՏՄ երկրներ, Իրան, Վրաստան, բայց ոչ մի կոնտակտ Արևմուտքի հետ։ Անգամ Հովիկ Աբրահամյանը հասկացավ ու գնաց Վաշինգտոն, բայց այսօրվա վարչապետն ընդհանրապես ոչ ադեկվատ է Արևմուտքի հետ կապված հարցում»,- «Առաջին լրատվական»-ի հետ զրույցում ասաց Բադալյանը։
Բադալյանը շարունակում է. «Տպավորություն է, որ նա վերածվել է գուբերնատորի։ Հայաստանի վարչապետն այժմ իր կշռով չի տարբերվում Նովոսիբիրսկի գուբերնատորից։ Դա խոսում է նրա ոչ ադեկվատության մասին»։
Փորձագետը նշում է՝ եթե վարչապետը ցանկություն ունենար՝ կպատրաստվեր 2018-ին: «Նրան ոչ ոք ոչինչ չի պատրաստվում տալ։ ժառանգորդ պատրաստելու ինստիտուտ Հայաստանում չկա։ Նա արդեն 20 տարեկան չէ՝ պետք է նախաձեռներ։ Ինչո՞ւ պետք է Սարգսյանը զիջի մի գործչի, որը բազմաթիվ հարցերում նույնիսկ տեսակետ չունի։ Բնականաբար չի զիջելու,- եզրափակեց նա։
Հարցազրույցն ամբողջությամբ՝ տեսանյութում:
