Ահաբեկիչները պատրաստում են նոր հարձակման սցենար, որը մասշտաբով համեմատելի կլինի սեպտեմբերի 11-ի ողբերգության հետ։ Այս մասին հայտարարել է ԱՄՆ ազգային անվտանգության հարցերով նախարարի պաշտոնակատար Էլեյն Դյուկը։
«Ահաբեկչական կազմակերպությունները՝ ԴԱԻՇ-ը կամ մյուսները, ցանկանում են հզոր պայթյուն իրականացնել, որը նման կլինի սեպտեմբերի 11-ի հարձակմանը»,-Դյուկի խոսքերն է մեջբերում Daily Mail պարբերականը։
Դյուկը հստակեցրել է, որ հետախուզության տվյալները վկայում են ինքնաթիռ խոցելու ծայրահեղականների պլանների մասին։ Նրա խոսքով՝ այժմ ահաբեկչական կազմակերպությունների համար «անցումային շրջան է», նոր հարձակումն անհրաժեշտ է թվաքանակի պահպանման և դրամական միջոցների հոսքի ապահովման համար։
Հայտարարությունն արվել է Լոնդոնում՝ ԱՄՆ դեսպանատանը ելույթի ժամանակ։ Բացի այդ, նա նշել է, որ նոթբուքերը նույնպես կարող են օգտագործվել հարձակումների իրականացման համար։
