ԱԺ փոխնախագահ Միքայել Մելքումյանը Տնտեսական մրցակցության պաշտպանության հանձնաժողովի նախագահ Արտակ Շաբոյանին հարցրեց, թե որքանով է իրականությանը մոտ այն հնարավորությունը, որ գներն աճում են կառավարության քաղաքականության արդյունքում։
Ըստ Մելքումյանի՝ նախորդ 9 ամիսների ընթացքում բյուջետային մուտքերը կազմել են ամսական 95 մլրդ դրամ, մինչդեռ եթե հավաքագրման այս տեմպը պահպանվի, բյուջեն չի կատարվի, հարկավոր է հավաքել առնվազն 120-125 մլրդ։ Քանի որ տնտեսական աճ չկա, կառավարությունը առաջին անհրաժեշտության ապրանքներ ներկրողներին ստիպում է գնալ թանկացումների, որպեսզի նրանք ավելի շատ հարկեր մուծեն։ Իսկ քանի որ առաջին անհրաժեշտության ապրանքների՝ մսամթերք, կաթնամթերք, վառելանյութ, շուկայում մենաշնորհներ են, ապա այս մեխանիզմը շատ հեշտ աշխատում է․վտանգ չկա, որ մրցակիցը ավելի էժան գին կսահմանի, և դու չես կարողանա իրացնել քո թանկ ապրանքը։
