ԱԺ պաշտպանության և անվտանգության հարցերի մշտական հանձնաժողովի նախագահ, ԱԺ ՀՀԿ խմբակցության պատգամավոր Կորյուն Նահապետյանը չի կարծում, թե շատերն ընդդիմացան ՀՀ ԶՈւ և ՌԴ զինված ուժերի զորքերի միացյալ խմբավորման մասին համաձայնագրին: Առանձին պատգամավորներ, նրա խոսքերով, քննարկման ժամանակ իրենց մտահոգությունները հնչեցրին. «Որևէ հիմնավոր, տրամաբանական հարցադրում կամ անհանգստություն այդպես էլ չլսեցի քննարկումների ժամանակ: Որպես մտահոգություն նշվում էր ինքնիշխանության կորուստը, սակայն, պատգամավորի խոսքերով, ինքնիշխանության կորստի մասին խոսելն անհեթեթություն է:
«ՀՀ ԶՈւ հետ միասին մենք կարող ենք միջազգային այլ կազմավորումների մեջ ներգրավվել: Անկախությունից կարճ ժամանակ անց մենք մի շարք պայմանագրեր ենք կնքել ռազմական բնագավառում, որի արդյունքում ավելի ենք բարձրացրել մեր պաշտպանունակության մակարդակը»,- հավելեց Կորյուն Նահապետյանը: Այս համաձայնագրով, նրա խոսքերով, մենք լրացուցիչ հնարավորություն ենք ստեղծում առավել ամրապնդելու մեր ռազմական անվտանգության համակարգը:
Հարցազրույցն ամբողջությամբ՝ տեսանյութում:
