62-ամյա ամերիկացի «մեքենայապիղծը» խոստովանել է, որ իր կյանքի ընթացքում բազմաթիվ ավտոմեքենաներ է «նվաճել»:
Վերջին 45 տարիներին Էդվարդ Սմիթը «քնել է» ավելի քան հազար ավտոմեքենաների և միայն մեկ կնոջ հետ: 62-ամյա «մեքենայապիղծը» պնդում է, որ մեքենաների հանդեպ սեռական անզուսպ հակում ունի:
Նա պատմել է, որ տղամարդիկ նայում են կանանց կրծքերին և հետույքներին, իսկ ինքը՝ ավտոմեքենաների դիմացի և հետևի լուսարձակներին:
Էդվարդն առաջին անգամ այդ հակումը զգացել է դեռահասության տարիներին:
Սակայն նրա բուռն երիտասարդությունն արդեն անցյալում է, և ամերիկացին որոշել է երկարատև հարաբերություններ հաստատել «Ֆոլքսֆագեն Բիթլի» հետ, որը նա գնել է 30 տարի առաջ և անվանել Վանիլ: Տղամարդն ասում է, որ իր հարաբերությունները Վանիլի հետ բաց են: Նա նույնիսկ սեքսով է զբաղվում իր 1973 թ. արտադրության «Օփելի» և 1993 թ. արտադրության «Ֆորդի» հետ:
Սակայն Էդվարդը խոստովանել է, որ Վանիլին աշխարհում ամենից շատն է սիրում:
Տղամարդը բրիտանական Mirror Online տաբլոիդին պատմել է, որ երբ վարում է Վանիլին, զգում է, թե ինչ էներգիա է նրանց գալիս: Դա բավարարում է Էդվարդին, սակայն ժամանակ առ ժամանակ նա ընկճախտի մեջ է ընկնում, քանի որ մեքենան չի կարողանում խոսել իր հետ: