ԱՄՆ-ում ստեղծել են գինի՝ նվիրված Twitter-ում ԱՄՆ նախագահ Դոնալդ Թրամփի կատարած վրիպակին։ Ըմպելիքի հեղինակը ծրագրում է այն վաճառել Նյու Յորքում, Կալիֆորնիայում, Ֆլորիդայում ու Վաշինգտոնում։ Հայտնում է The Hill-ը։
City Winery ընկերության աշխատակիցները ստեղծել են Covfefe 2015 Red Blend գինի, որի մեկ շիշն արժե 37 դոլար։ Ըմպելիքը նման տարօրինակ անվանում ստացել է Դոնալդ Թրամփի վրիպակի պատճառով, որը Twitter-ի նրա էջում հայտնվել է մայիսի վերջին։
Իր գրառման մեջ Թրամփը գործածել էր այնպիսի բառ, որը չկա անգլերենում, և որը Թրամփի գրառումը գործնականում դարձրել է ոչ ենթակա թարգմանության («Չնայած մամուլի մշտական բացասական արձագանքին՝ сovfefe»)։
City Winery-ի հիմնադիր և գլխավոր տնօրեն Մայքլ Դորֆը հայտարարել է, որ գործող նախագահի պատվին ստեղծված գինու վաճառքից գոյացած գումարի 20 տոկոսը հատկացվելու է Քաղաքացիական ազատությունների պաշտպանության ամերիկյան միությանը։
Trump AKA Covfefe Wine #BadNamesForWine pic.twitter.com/ayru9s2qh1
— Michele Campbell (@MicheleCampbel6) September 26, 2017
