«Տպավորություն ունեմ, որ էս համաձայնագիրն էլ «և-և»-ի շրջանակներից է, դրա փայլուն դրսևորումներից»,- ԱԺ ամբիոնից բարձրաձայնեց «Ելք» խմբակցության պատգամավոր Արամ Սարգսյանը՝ նշելով, որ հերթով ամեն ինչ տրված է Ռուսաստանին:
Արամ Սարգսյանի համար անհասկանալի է, թե որն է հայ-ռուսական զորքերի միացյալ զորախմբի համաձայնագրի կնքման անհրաժեշտությունը. «Ինձ համար՝ որպես մարդու, որպես քաղաքացու, էս համաձայնագիրը անգամ վիրավորական է: Լավ, ո՞նց կարելի է էսքան սեփական ուժերին չվստահել: Նույն ղազախները, նույն ղրզըզները, նույն բելառուսները իրենց ինքնիշխանությունն ավելի բարձր են դասում, քան մենք, և համարում են, որ իրենց չփորձված բանակները էդ գործընթացը կարող են տանել»:
Արամ Սարգսյանի տպավորությամբ՝ գուցե մի գաղտնի փաստաթուղթ էլ կա, որ Հայաստանի Հանրապետության գերագույն գլխավոր հրամանատարը կդառնա Վլադիմիր Պուտինը. «Ռուսաստանի մաս կազմող Չեչնիան կարծես ավելի լայն ազատություններ ունի, քան մենք. հերի՛ք եղավ: Դե գնանք մտնենք Ռուսաստանի կազմի մեջ, էլ դրոշը, օրհներգը, զինանշանը ինչների՞ս է պետք»:
Մանրամասները՝ տեսանյութում:
