Կատալոնիայի իշխանությունները հայտնել են, որ 38 մարդ է տուժել ոստիկանության գործողությունների արդյունքում։ Այս մասին տեղեկացրել է առողջապահության դեպարտամենտը։
2 315 ընտրատեղամասերի մեծ մասը, որտեղ պետք անցկացվեր Մադրիդի կողմից անօրինական հայտարարված՝ Իսպանիայից Կատալոնիայի անկախության հանրաքվեն, արգելափակված են ոստիկանության կողմից:
Դպրոցների մեծ մասում, որտեղ տեղակայված են ընտրատեղամասերը, համացանցն անջատված է։ Ոստիկանության աշխատակիցներն առգրավում են քվեատուփերը։ Մի շարք տեղամասերում ոստիկանությունն ուժով է մարդկանց դուրս բերել շենքերից։
Կատալոնիայի անկախության՝ տեղամասերը պահող կողմնակիցների շրջանում տեղի են ունեցել առաջին ձերբակալությունները։
Տեղամասերի մոտ հավաքված ամբոխը վանկարկում է. «Մենք, միևնույն է, կանցկացնե՛նք հանրաքվեն»։
Ընդ որում, Իսպանիայի ՆԳՆ-ն հայտնում է, որ Կատալոնիայում շարունակվում է ոստիկանության լրացուցիչ ուժերի ծավալումը։
