Ադրբեջանն ու Թուրքիան եղբայրական պետություններ են, ասել է Թուրքիայի պաշտպանության նախարար Նուրեդին Ջանիկլին, փոխանցում է APA գործակալությունը։
«Մենք միմյանց կարիքն ունենք։ Ադրբեջանցի ժողովրդի ցանկությունը հրաման է մեզ համար, մենք ձեռնարկում ենք անհրաժեշտ քայլեր»,-ասել է նա։
Նախարարն ասել է, որ Ադրբեջանն ու Թուրքիան միավորում են իրենց ջանքերը բոլոր ոլորտներում։ «Մենք համատեղ ենք գործում նաև պաշտպանական արդյունաբերության ոլորտում։ Ադրբեջանն ու Թուրքիան պետք է զարգացնեն ազգային սպառազինության համակարգերը։ Դա կարևոր է մեր հողերի պաշտպանության տեսանկյունից»,-ասել է նա։
