Իրանը, հնարավոր է, կորցրել է իր միակ ինքնաթիռը, որը ապահովված էր հեռակա ռադիոլոկացիոն հայտնաբերման և կառավարման համակարգով: Այսպիսի եզրակացության են հանգել իսրայելցի փորձագետները` ուսումնասիրելով վերջերս YouTube-ում հայտնված տեսանյութը, որում պատկերված է խորհրդային արտադրության Ил-76 ինքնաթիռի կործանումը իրանական ավիաշոուի ընթացքում: Այս մասին հաղորդում է newsru.com-ը:
Տեսագրությունն արվել էր 2009 թ. սեպտեմբերի 22-ին, իսկ 2011 թ. Ապրիլին այն հայտնվել է YouTube-ում: Հունիս ամսին արդեն այն գրավել է համաշխարհային լրատվամիջոցների ուշադրությունը: Մասնավորապես, այն ցուցադրել է ամերիկյան CBS News հեռուստաալիքը:
Հայկական ԶԼՄ-ները, սակայն, միանգամայն այլ ձևով էին մեկնաբանել տեսանյութը` նշելով, իբր դրանում 2009 թ. հուլիսի 15-ին իրանական Caspian Airlines ավիաընկերությանը պատկանող Տու-154 ինքնաթիռի կործանումն է: «Առաջին լրատվականը» հայցում է ընթերցողների ներողամտությունը` ոչ ստույգ տեղեկություն տարածելու համար
Տեսագրությունն արված է իրանցի զինծառայողներից մեկի կողմից` С-130 ռազմատրանսպորտային ինքնաթիռի բորտից, երբ վերջինս օդում իրականացնում էր կործանիչի լիցքավորում: Ил-76 ինքնաթիռն ընկել է այաթոլլա Խոմեյնիի շիրիմից ոչ շատ հեռու իրանական արտադրության Saeqeh կործանիչի հետ բախման արդյունքում: Իրանի իշխանությունները ընդունել են ինքնաթիռի անկման մաստը, սակայն դրա մակնիշը չեն նշել:
