Երգիչ Ջասթին Բիբերը դատական հայց է ներկայացրել 20-ամյա Մրայա Իթերի դեմ, ով նրանից ալիմենտ է պահանջել երեխային խնամելու համար: Աղջկա խոսքերով` դա Ջասթինի երեխան է: Երգիչը պահանջել է ԴՆԹ անալիզ հանձնել, որի պատասխանը բացասական է եղել, հաղորդում է eg.ru-ն:
Դերասանուհի Ռիզ Ուիզերսփունի նախկին ամուսին Ռայան Ֆիլիպն արտամուսնական երեխա ունի: Նա սիրավեպ է ունեցել մոդել Ալեքսիկ Քնափի հետ: Աղջիկը հղիացել է և դուստր է ունեցել, Ֆիլիպը ճանաչել է հայրությունը:
Սուպերմոդել Լինդա Եվանգելիստայի դստեր ալիմենտի մասին գործը ժամանակին մեծ աղմուկ է բարձրացրել ԱՄՆ-ում: Լինդան իր նախկին սիրեցյալ Ֆրանսուա Անրի Պինոյից, ով ներկայում դերասանուհի Սալմա Հայեքի ամուսինն է, պահանջում էր ամեն ամիս վճարել 46 հազար դոլար:
2010 թ. աշնանը բրիտանացի դերասան Ջուդ Լոուն չորրորդ անգամ հայր է դարձել: Երեխայի մայրը մոդել Սամանտա Բերքն է, որի հետ նա կարճ սիրավեպ է ունեցել: Դերասանը պարտավորվել է նյութապես աջակցել երեխային, սակայն նրա հետ շփում չունի:
Առնոլդ Շվարցենեգերը խոստովանել է, որ ապօրինի երեխա ունի, որի մայրն աշխատել է իր տանը: Նրա խոսքերով` երեխան ծնվել է 2001 թ., սակայն նա իր կնոջն այդ մասին պատմել է միայն 10 տարի անց, ինչը եղել վերջին կաթիլը «Տերմինատորի» և նրա կնոջ` Մարիա Շրայվերի ոչ այդքան հեշտ հարաբերություններում: Բանն այն է, որ Շվարցենեգերի սիրուհին նրանց տանն աշխատել է 20 տարի և հեռացել է միայն 2011 թ.: Դերասանի նախկին ընկերուհի Միլդրես Բաենի խոսքերով` նա միշտ հոգ է տարել երեխայի մասին և տուն է գնել իրենց համար:
