Հայտնի են American Music Award-2013 երաժշտական մրցանակաբաշխության հավակնորդները, հաղորդում է THR-ը:
Մաքլեմորի և Ռայան Լյուիսի դուետը հավակնում է վեց մրցանակի, այդ թվում` «Տարվա արտիստ», «Տարվա սինգլ», «Տարվա հայտնություն»: Ջասթին Տիմբերլեյքը և Թեյլոր Սվիֆթը հավակնում են յուրաքանչյուրը հինգ մրցանակի:
Նախորդ տարվա հաղթողը, կանադացի երաժիշտ Ջասթին Բիբերն այս տարի ներկայացվել է մեկ անվանակարգում:
Մրցանակաբաշխության հաղթողները որոշվելու են առցանց քվեարկության արդյունքում, որը սկսվում է այսօր, իսկ մրցանակի հանձման արարողությունը կկայանա նոյեմբերի 24-ին՝ Լոս Անջելեսի Nokia Theatre-ում:
Մրցանակաբաշխությանը ելույթ կունենան Մայլի Սայրուսը և Imagine Dragons-ը:
