Համաշխարհային բանկի նախագահ Ջիմ Յոն Կիմը հայտարարել է, որ իր կազմակերպությունը պետք է ներդնի բոլոր ջանքերը՝ առաջիկա 7 տարում ծայրահեղ աղքատությունը երկու անգամ կրճատելու համար: Այս մասին հայտնում է Reuters-ը:
Նրա խոսքով՝ ծայրահեղ աղքատության շեմին գտնվող մարդկանց մասը պետք է ներկայիս 18%-ից դարձնել 9%:
«Ես ինձ վրա եմ վերցնում նման նպատակի հասնելու ամբողջ պատասխանատվությունը»,- ընդգծել է վերջինս:
Համաշխարհային բանկի նախագահը նշել է, որ մինչև 2030թ. մարդկանց թիվը, որոնք ապրում են օրական 1.25 դոլարից քիչ գումարով, պետք է կրճատվի մինչև 3%:
